Haci peticion pa DigiD
DigiD ta para pa Digitale Identiteit (Identificacion Digital). Bo ta uza bo DigiD pa ligitima bo mes riba internet. Asina e organisacionnan sa cu ta cu abo nan ta deal realmente. Entretanto hopi organisacion gubernamental na Hulanda Europeo ta traha cu DigiD. Por ehempel Belastingdienst, SVB y UWV. Cu bo DigiD bo por haci uzo di nan servicio online.
Como ciudadano Hulandes na Aruba, Corsou of Sint Maarten, bo por activa un DigiD. Lesa aki cua pasonan bo mester sigui.
Stap 1. Haci peticion online pa DigiD
Sigui e pasonan online pa ‘Pidi DigiD (for di den exterior)’. Despues di completa e peticion, bo ta ricibi via sms y via e-mail un codigo di balie. Bo tin mester di e codigo aki pa pasa busca e codigo di activacion cerca Representacion na Oranjestad, Willemstad of Philipsburg.
Stap 2. Afspraak pa pasa busca e codigo di activacion
Bo ta traha un afspraak serca Representacion na Oranjestad, Willemstad of Philipsburg pa pasa busca e codigo di activacion. PAGA TINO: abo mes mester pasa busca e codigo di activacion dentro di 30 dia despues di e fecha di solicitud.
Bin na e afspraak cu e siguiente documentonan:
- E codigo di balie cu bo a risibi via sms y via e-mail
- Bo paspoort Hulandes of tarheta di identificacion (di cua bo a yena e number di documento ora bo a haci e peticion)
- Bo Burgerservicenummer (BSN nummer) riba papel si e number ey no ta den e paspoort
Stap 3. Activa DigiD
Cu e codigo di activacion cu bo a buska cerca Representacion, bo por activa bo DigiD riba www.digid.nl.