Representacion di Hulanda ta yuda residentenan di Hulanda Europeo na Corsou, Sint Maarten of Aruba ora nan ta den un situacion di emergencia. Por ehempel debi na un crimen of un accidente. Pero den pasado por ehempel tambe den caso di desaster (natural) y brote diripiente di Covid-19.
Nos ta ofrece ayudo na:
- Residentenan Hulandes Europeo cu no ta biba permanentemente na Corsou, Sint Maarten of Aruba
- Doñonan di un paspoort Hulandes pa refugiado valido
- Doñonan di un paspoort Hulandes pa stranhero valido
Cuido di detenido
Ora aresta residentenan di Hulanda Europeo na Corsou, Sint Maarten of Aruba, autoridad local ta pone Representacion na altura. Representacion seguidamente ta duna informacion, ta mobilisa organisashonnan di asistencia y por tuma contacto, riba peticion, cu famia- of conocinan.
Otro emergencianan
Den otro caso di emergencia abo mes mester tuma contacto. Nos ta alcansabel di dialuna te cu diabierna di 8:00 or te 17:00 or. Representacion di Hulanda en todo caso no ta duna pasashi pa regresa Hulanda of yudansa financiero.