Bo ta biba na Aruba, Corsou of Sint Maarten y bo tin derecho di voto pa eleccionnan di Tweede Kamer Hulandes y/of Parlamento Europeo? E ora ey bo por registra bo mes como votado pafo di Hulanda na munisipio di Den Haag.
Despues di registrashon, como ‘votado pafo di Hulanda’, bo ta vota stadard pa medio di carta. Pa esaki bo ta risibi un prueba di votacion pa medio di carta y un carchi di votacion. Ta manda e prueba di votacion pa medio di carta 12 siman promé cu eleccion via post pa representacion Hulandes. Abo mes tin cu bin busc’e. Bo ta ricibi un notificacion ki dia bo prueba di votashon pa medio di carta ta cla pone pa bo.
Mas of menos 4 siman prome cu eleccion ta manda e carchi di votacion. Bo ta ricibi e carchi di votacion via e-mail of post, dependiendo di bo escogencia na momento di registracion. Si bo a scoge pa e opshon ‘post’, bo por pasa busca e carchi di votacion cerca Representacion Hulandes.
Bo ta entrega e carchi di votacion hunto cu e prueba di votacion pa medio di carta firma cerca Representacion na Aruba, Corsou of Sint Maarten (e urna electoral postal). Pa esaki mester sigui estrictamente e pasonan describi den e manual athunto.