Organisacion
E Representante di Hulanda na Aruba, Corsou y Sint Maarten ta director di e Representacion. Cada oficina tin un hefe di oficina. E hefenan aki ta Representante interino tambe di Hulanda na Aruba, Corsou of Sint Maarten.
Representante
Entrante september 2023 Edson Hato ta Representante di Hulanda na Aruba, Corsou y Sint Maarten. Hato tin amplio exsperencia cu controla prosesonan di cambio y desaroyo di liderazgo na multinationals grandi, empresanan tecnologico y empresanan social. Hato tin un Bachelor den International Marketing & Commercial Studies, un Masters den International Economics, un MBA den International Business and Marketing y un Ph.D. den Business.
Hefe di oficina Oranjestad y representante interino
Vincent Storimans ta hefe di ofisina di Representacion di Hulanda na Oranjestad desde 2019. El a studia derecho priva Europeo na Universidad di Amsterdam y a traha como diplomat na Embahada Hulandes na Moscou, Beijing y Washington D.C., cu su ultimo funcion como Consul-General suplente na San Francisco. For di 2013 te 2015, e tabata secretario particular di minister di Comersio Exterior y Cooperacion pa Desaroyo, na e momento di Lilianne Ploumen.
Hefe di ofisina Philipsburg y representante interino
Chris Johnson ta hefe di oficina di VNP desde 2016. Prome cu esey e tabata Commissioner (diputado) riba su isla natal Saba. El a studia Medioambiente na Universidad di Florida y a gradua na Frederick Gunn School na Connecticut.