Tarea- y responsabilidadnan
Representacion di Hulanda na Aruba, Corsou y Sint Maarten tin tres oficina den tres diferente pais. Tres pais cu entre nan ta diferencia di otro, pero ta conherente cu hunto cu Hulanda nan forma Reino. E tres oficinanan ta representa y atende interes di pais Hulanda den e paisnan y ta ehecuta e siguiente tareanan:
- Informa ministerionan Hulandes, otro gobierno- y organisacionnan di ehecucion tocante desaroyonan administrativo, financiero, socioeconomico, social y cultural na Corsou, Aruba y Sint Maarten.
- Conseha ministerionan Hulandes, otro gobierno- y organisacionnan di ehecucion tocante tur loke tin di haber cu e relacion entre Hulanda, Corsou, Aruba y Sint Maarten.
- Yuda prepara y guia bishita di mandatarionan y delegashonnan oficial Hulandes.
- Representa Hulanda, Corsou, Aruba y Sint Maarten na ocacion- y dianan di fiesta oficial.
- Mantene contacto- y retnan riba tereno politico, administrativo y social.
- Ofrece oportunidad- y posibilidad pa conecta ciudadano-, instancia- y companianan di e paisnan di Reino cu otro. Por ehempel organisando evento-, reunion-, presentacion- y conferencianan.
- Comunica y duna splicacion tocante maneho y desishonnan cu Hulanda a tuma riba tereno di relacionnan di Reino.
- Coordina ayudo di emergencia for di Hulanda den caso di crisisnan cu ta supera e islanan, manera desaster natural.
- Ehecuta tareanan basa riba Ley Electoral pa loke ta trata referendum, eleccion di Tweede Kamer y eleccion pa Parlamento Europeo.
- Sponsoring di proyectonan social, di comunidad y cultural cu ta stimula bon relacion dentro di Reino (te un maximo di 5.000 Naf/AWG pa proyecto).
- Vigila y interpreta cobertura relevante den medionan.
- Brinda asistencia consular na siudadanonan Hulandes registra na Hulanda, manera:
- Dunamento di asistencia di emergencia
- Cuido di detenidonan
- Suministracion di informacion (por ehempel tocante rijbewijs y paspoort Hulandes) y referí na instancianan competente
- Otorgamento di codigo pa activa DigiD y carchi di e-NIK y alaves stempel formulario di attestatie de vita di fondo di pencion.