Disculpa di gabinete pa pasado di sclavitud di Hulanda
Minister presidente Mark Rutte awetardi durante un discurso a ofrece disculpa pa e actuacion di Estado Hulandes den pasado: despues di morto di tur esnan esclabisa cu mundialmente a sufri a causa di e negoshi di sclavitud, na nan yiunan, y na tur nan descendientenan te dia di awe. E minister presidente a expresa su disculpa den Archivo Nacional na Den Haag den presencia di representantenan di organisacionnan cu ta para pa reconocimento di e consecuencia di sclavitud. Na Surinam y na Aruba, Corsow, Sint Maarten, Boneiro, Sint Eustatius y Saba miembronan di gabinete ta bay den combersacion localmente cu organisacionnan y autoridadnan involucra, tocante e nificacion di e disculpa na final di e discurso.
Minister presidente Mark Rutte:
“Nos ta haci esaki, y nos ta haci esaki awor, parando na drempel di un aña importante di conmemoracion, hunto nos haña e caminda pa dilanti. Nos no ta comparti solamente pasado, pero tambe futuro. Pues awe, nos ta pone un comma, y no un punto”
E disculpa di minister presidente y combersacionnan cu miembronan di gabinete na otro parti ta un parti importante di e reaccion di gabinete riba e rapport Cadena di Pasado cu e colegio di conseho di grupo di Dialogo Pasado di Sclavitud a presenta na juli 2021. Den esaki gabinete a ricibi e recomendacion pa bay over na reconoce, ofrece disculpa y reparacion pa sclavitud den Reino. E reaccion di gabinete riba e rapport a bay pa Eerste y Tweede Kamer awetardi.
Na final di e discurso e minister presidente hunto cu e tres vicepremiers Kaag, Hoekstra y Schouten y ministernan Bruins-Slot y Dijkgraaf a bay den combersacion tras di porta cera cu esnan presente.
Reaccion di Gabinete
E gabinete a pone 200 miyon euro disponibel pa medidanan riba tereno di concientisacion, betrokkenheid y doorwerking. E programacion y destino di e fondonan ta desaroya conhunto cu descendientenan y esnan envolvi.
Ademas gabinete ta propone pa lanta un comite di Conmemoracion independiente. E comite di Conmemoracion tin cu percura pa den añanan benidero tin un conmemoracion grandi y digno pa e pasado di sclavitud riba 1 di juli, hunto cu e parti Caribense di Reino, Surinam y otro paisnan. E aña conmemorativo benidero 2023 gabinete kier uza pa hunto cu partidonan social, y e fundacion di e comite di Conmemoracion, mira con e conmemoracion anual keda organisa mas grandi, digno y anualmente y di forma cohesivo.
E aña conmemorativo, cu ta inicia riba 1 di juli 2023, lo consisti di un cantidad di evenemento grandi den Reino henter. E rey ta sinti su mes personalmente involucra pa loke ta trata e topico y lo ta presente dia 1 di juli na e conmemoracion y celebracion na Amsterdam. E aña conmemorativo benidero ta duna hopi espacio pa iniciativanan social, cultural y educativo den communidad.
Siguiente pasonan
E gabinete ta mira e disculpa di awe como e prome paso. Banda di e disculpa gabinete ta anuncia den su reaccion di tin e intencion pa duna e pasado di sclavitud un posicion fuerte dentro di educacion paso esaki ta e sitio caminda hobennan ta bin den contacto cu historia.
Tambe gabinete ta pone su mes fuerte pa engrandece conocimento y concientisacion pa medio di mantencion y desaroyo di museo, archibonan y proteccion di herencia cultural, tanto den Hulanda Europeo como parti Caribense di Reino y otro paisnan envolvi. Cu Aruba, Corsow, Sint Maarten, Boneiro, Sint Eustatius y Saba ta delibera kico ta nan deseo specifico riba e terenonan aki. Tambe gabinete ta contribui na desaroyo di un museo nacional di sclavitud cu un centro di conocimento mara na esaki. Anuncia, estudio di mas aña di e pasado di sclavitud lo produci datos necesario na e institushonnan aki. Adicionalmente lo haci e proceso di cambia fam relata na sclavitud mas facil.
Pa e heroe di resistencia di origen Curasoleño, Tula, gabinete a anuncia un rehabilitacion oficial di su honor. E fondonan lo duna posibilidad tambe pa rehabilita honor di otro heroenan di resistencia na un forma adecua.