Registracion na Aruba, Corsow y Sint Maarten pa Colegio Electoral den Eerste Kamer pa persona no-residencia
Hulandesnan Europeo residencia na Aruba, Corsow of Sint Maarten por vota na maart 2023 pa un eleccion nobo: e eleccion pa e colegio electoral pa personanan no-residencia pa Eerste Kamer. Cu esaki votadornan residencia den exterior tin un voto indirecto den Eerste Kamer. Registracion di antemano como ‘votador pafor di Hulanda’ ta necesario pa e motibo ey. Esaki ta posibel ainda te cu diamars, 31 di januari 2023.
Registracion ta facil. Bishita e website www.stemmenvanuithetbuitenland.nl, y sigui e instruccionnan. Una vez bo ta registra como votador pafor di Hulanda, bo lo ricibi un confirmacion, automaticamente di e momento ey padilanti bo lo ricibi tur informacion di eleccion y documento necesario pa vota via post. Tambe ta necesario pa registra pa Colegio Electoral si bo persona ta registra caba pa eleccion pa Tweede Kamer y pa Parlamento Europeo.
Pa Hulandesnan residencia na Aruba, Corsow y Sint Maarten, ta aplica cu despues di ricibi e notificacion di nan registro di votacion (documento pa por vota) por pasa busca esaki na oficina di Vertegenwoordiging van Nederland.
Pa vota como persona no-residencia den exterior tin condicionnan aplicabel pa por vota den e Colegio Electoral den Eerste Kamer. Bo persona mester ta residencia pafor di Hulanda y no ta inscribi den un municipio Hulandes, mester tin e nacionalidad Hulandes y tin 18 aña of mas. Adicionalmente residentenan di Aruba, Corsow y Sint Maarten mester tabata residencia por lo menos 10 aña na Hulanda, of ta den servicio gubernamental Hulandes na Aruba, Corsow of Sint Maarten, of ta forma parti di famia di mesun hogar di un persona cu ta den servicio publico Hulandes.
Mas informacion tocante Eleccion pa Colegio Electoral ta disponibel via www.stemmenvanuithetbuitenland.nl