25 Miembro pa prome Colegio Electoral pa persona no-residencia
Despues di conteo y control di registracion di Hulandesnan bibando den exterior, a resulta cu 37.173 persona cu derecho di voto a registra pa e prome Colegio Electoral pa persona no-residencia. Na Corsow un total di 449 persona a registra; na Aruba 186; y na Sint Maarten 59.
Te cu 1 di februari Hulandesnan residencia den exterior por a registra nan mes via gemeente Den Haag pa vota pa e eleccion nobo cu lo tuma lugar pa prome biaha dia 15 di maart. A base di e cantidad di registracion aki un total di 25 miembro di Colegio Electoral por ser eligi.
E eleccion pa Colegio Electoral pa persona no-residencia pa Eerste Kamer ta nobo y gemeente Den Haag tabata tin 4 luna so pa organisa e eleccion nobo aki. Burgemeester Jan van Zanen: ‘Den wowo di e miembronan di urna electoral central, tin un interes grandi pa e eleccion pa colegio electoral nobo serca votador y partido politico. A logra registra un cantidad considerabel den exterior den un termino sumamente cortico pa e eleccion nobo aki. Nos ta considera esaki importante, paso cada voto ta conta.”
Dia 5 di juli 2022 Eerste Kamer a vota pro pa adapta e constitucion pa haci e eleccion aki posibel. E votadornan residencia den exterior por vota pa 129 candidato for di 27 pais; 12 partido politico y un candidato independiente. Registracion ta necesario pa cada tipo di eleccion, esey cada pais ta determina. P’esey votadornan cu tabata registra caba pa otro tipo di eleccion mester a haci un peticion di nobo. No ta tur votador actualmente den exterior ta registra ainda pa e Colegio Electoral. Historia a demostra cu e cantidad di persona cu derecho pa vota ta sigui crece cu cada eleccion. Gemeente Den Haag ta hiba un campaña cada eleccion pa informa Hulandesnan den exterior tocante eleccion y registracion.