Reunion Interparlamentario di Reino na Corsow (IPKO)
E comisionan fiho di Relacionnan den Reino di Eerste y Tweede Kamer, for di diamars 28 di februari te cu diabierna 3 di maart 2023, ta participa na e Reunion Interparlamentario di Reino (IPKO) na Corsow.
Riba agenda tin e acohida di fluho di migrante dentro di Reino, relacion den Reino mas mihor y duradero, e deficit democratico den e structura di Reino y e acuerdonan tocante reforma na Aruba, Corsow y Sint Maarten cu anteriormente a establece den e paketenan di pais, incluso entre otro riba e tereno di enseñansa, clima y medioambiente, y tambe proteccion di dato. Ademas e delegacionnan lo continua combersacion tokante historia di sclavitud y e impacto di historia colonial awendia. Esaki ta continuacion di e combersacionnan den reunionnan di IPKO anterior. Dentro di IPKO, parlamento di Corsow riba 2 di maart ta organisa un bishita di trabou pa tur delegacion den cuadro di historia di sclavitud y colonial.
Bishita di trabou na Boneiru
Rond di IPKO ta realisa varios bishita di trabou. Prome cu IPKO, riba diadomingo 26 y dialuna 27 di februari, e delegacion hulandes lo hiba un bishita di trabou na Boneiro. Temanan manera e plan di naturalesa y medioambiente nobo, maneho di awa, inundacionnan recien, maneho di sushi,vivienda social y clima y sostenibilidad ta para central.
Constelacion di e delegacion
Eerste Kamer
Paul Rosenmöller (GroenLinks) – vice lider di delegacion; presidente di comision fiho di Relacionnan den Reino
Annemarie Jorritsma-Lebbink (VVD)
Ria Oomen-Ruijten (CDA)
Jeroen Recourt (PvdA)
Peter Nicolai (Partij voor de Dieren)
Tweede Kamer
Mariëlle Paul (VVD) – lider di delegacion; presidente di comision fiho di Relacionnan den Reino
Roelien Kamminga (VVD)
Jorien Wuite (D66)
Habtamu de Hoop (PvdA)
Kauthar Bouchallikh (GroenLinks)
Liane den Haan (Fractie Den Haan)
Sylvana Simons (BIJ1)
Grifiernan
Tim de Lange (Tweede Kamer)
Fred Bergman (Eerste Kamer)
IPKO
E Reunion Interparlamentario di Reino (IPKO) ta e structura di reunion di parlamentonan di e paisnan den Reino hulandes. Delegacion di Parlamento General y di Parlamento di Aruba, Corsow y Sint Maarten ta reuni dos biaha pa aña, un biaha na Hulanda y un biaha rotativo na un di e islanan caribense, tocante temanan di interes pa e paisnan dentro di Reino.