Secretario di estado Aukje de Vries di Finansa ta bishita Aruba, Boneiro, Curaçao y Sint Maarten
Secretario di estado Aukje de Vries di Finansa (Toeslagen en Douane) ta bishita Aruba, Boneiro, Curaçao y Sint Maarten durante e periodo di 4 pa 9 di juni. E secretario di estado ta bishita diferente parti di servicio di Aduana local riba e islanan. Esaki e ta haci entre otro den cuadro di e programa "Versterkt Grenstoezicht" (Vigilancia di Frontera Reforsa). Tambe, e ta bay tin combersacion cu mayornan cu a resulta afecta den e toeslagenaffaire na Boneiro y Curaçao.
Aruba
E biahe ta cuminsa na Aruba. E secretario di estado ta bishita e actividadnan di Aduana den waf di Barcadera y ta observa con Aduana ta controla carga aereo na aeropuerto. Ademas, De Vries ta bay tin combersacion cu representante di otro servicio cu ta ocupa nan mes, manera Aduana, cu prevencion y combatimento di ondermijning na Aruba. Tambe, e lo papia cu gobernador, minister-president y minister di Finansa y Cultura di Aruba.
Boneiro
Dia 6 di juni, e secretario di estado lo combersa cu mayornan na Boneiro cu a resulta afecta pa e toeslagenaffaire. Ademas, e ta bay den combersacion cu personal di servicio di trato di cliente y personal di Control Fisico (Fysiek Toezicht) di Aduana y ta bishita un bapor nobo di Aduana den waf di Kralendijk. Tambe, De Vries ta cera conoci cu gobierno di Boneiro.
Curaçao
Dia 7 di juni, e secretario di estado ta papia cu mayornan na Curaçao cu ta enfrenta consecuencia di e toeslagenaffaire. Ademas, e ta bay den combersacion cu Ekipo di Sosten (Ondersteuningsteam) pa mayornan den exterior na Curaçao. Ademas, De Vries ta consulta cu representante di e organisacionnan cu ta atende siguridad di frontera na Curaçao for di perspectiva di cumplimento di ley. E tin tambe combersacion cu gobernador interino, representante interino di Hulanda, minister-president y otro miembro di gabinete di Curaçao. Dia 8 di juni, e secretario di estado ta bishita e actividadnan di control di Aduana den haf di Curaçao.
Sint Maarten
Dia 9 di juni, e secretario di estado ta presente durante un control di Aduana den waf di Sint Maarten. Tambe e ta observa control di carga aereo na aeropuerto. E ta discuti cu Hoofdofficier di Husticia tocante ondermijning den e pais. Ademas, De Vries ta bay den combersacion cu gobernador y minister di Husticia na Sint Maarten.