Actividad di Prinsjesdag VNO 2023
Diamars 24 di october Representacion di Hulanda na Aruba (VNO) hunto cu mas of menos 100 alumno di historia y organisacion politico di klasnan HAVO y VWO di Colegio Arubano a organisa e actividadnan di Prinsjesdag anual.
E actividad aki riba e tercer diamars di september ta un momento bunita pa pone atencion na e nificacion di Prinsjesdag na Hulanda y e nificacion di esaki pa e paisnan dentro di Reino, specialmente pais Aruba. Pa motibo di circumstancia e aña aki e actividadnan a tuma lugar un luna mas laat cu normal.
A inicia e dia cu un presentacion cortico di VNO tocante e nificacion di Prinsjesdag y e troonrede. Tambe a combersa tocante presentacion di e presupuesto pa parlamento y e debatenan tocante esaki, e asina yama consideracionnan politico y financiero general.
Seguidamente tabata tin un special guest e mainta aki den persona di, señor Rolf van der Zande di Raad van Advies, cu di forma interactivo a splica con e sistema di presupuesto di Aruba ta funciona y ki e rol di Parlamento den esaki ta.
Tabatin un variacion di session di debate anima tocante topiconan actual caminda diferente grupo di alumno por a presenta y defende puntonan di bista diverso y por a gana mitar punto di estudio pa e materia di organisacion politico.