Trahando hunto cu paisnan Caribense riba maneho di naturalesa y siguridad di alimentacion
Durante su bishita di trabao na e parti Caribense di Reino, Minister Van der Wal di Naturalesa y Nitrogeno a firma un acuerdo di colaboracion riba maneho di naturalesa y siguridad di alimentacion cu Aruba.
E cuater paisnan di Reino Hulandes (Hulanda, Aruba, Corsow y Sint Maarten) a indica nan deseo pa colabora mas riba e tereno aki. E Memorandum of Understanding ta encera colaborasion voluntario den cuadro di proteccion, maneho y uso di recursonan natural, fortalesimento di siguridad di alimentacion, intercambio di conosemento, investigacion y monitoramento, i tratadonan i organisacionnan internacional. Aruba y Hulanda ta e prome paisnan cu a firma e acuerdo di colaboracion.
Asina e acuerdo di colaboracion ta contribui na e ehecucion di e Plan di maneho di Naturalesa y Medio Ambiente Hulanda Caribense 2020-2030 y na e cumplimento di nos obligacionnan internacional.
Asina Hulanda y e paisnan kier amplia e Reserva di naturalesa Yarari pa mamiferonan marino, tribon y manta rondo di Hulanda Caribense, si ta posibel, pa Aruba, Corsow y Sint Maarten. Y e cuater paisnan lo cumpli cu e compromisonan ku nan a tuma na e COP15 Biodiversidad na Montreal na december 2022. Ademas, Hulanda y e paisnan Caribense kier fortalese e maneho conhuntu di biodiversidad marino y pesca den e parti Caribense di Reino Hulandes.
E firmamento a tuma lugar durante e conferensia internacional na Aruba tocante proteccion di biodiversidad den e region Caribense. Sint Maarten y Corsow probablemente lo conecta mas despues na e acuerdo di colaboracion aki.
Minister Van der Wal ta haci un bishita di trabao na e parti Caribense di Reino for di 3 pa 8 di october. E bishita ta encera e Plan di maneho di Naturalesa y Medio Ambiente Hulanda Caribense 2020-2030 y e fortalesimento di colaboracion entre e paisnan di Reino.