Bureau di vota pa medio di carta na Aruba, Corsou y Sint Maarten a cera y a conta votonan
Na Aruba, Corsou y Sint Maarten, e bureaunan di vota pa medio di carta a cera despues di e conteo di e votonan emiti na e bureaunan aki pa e eleccion pa Tweede Kamer na Hulanda. A conta e votonan y awor ainda e Bureau di vota pa medio di carta nacional na Den Haag tin cu ratifica esaki.
Na Aruba tabatin 538 persona registra pa vota pa e eleccionnan pa Tweede Kamer. For di esaki un cantidad di 419 persona a deposita nan voto na e Bureau di vota pa medio di carta na Aruba. Mayoria di e votonan ta bai pa Groenlinks/PvdA (102); VVD (90); y Nieuw Sociaal Contract (56).
Na Corsou tabatin 1250 persona registra pa vota pa e eleccionnan pa Tweede Kamer. For di esaki un cantidad di 845 persona a deposita nan voto na e Bureau di vota pa medio di carta na Corsou. Mayoria di e votonan ta bai pa VVD (237); Groenlinks/PvdA (144); y D66 (99).
Na Sint Maarten tabatin 200 persona registra pa vota pa e eleccionnan pa Tweede Kamer. For di esaki un cantidad di 134 persona a deposita nan voto na e Bureau di vota pa medio di carta na Sint Maarten. Mayoria di e votonan ta bai pa D66 (33); VVD (28); y Groenlinks/PvdA (28).
Pa un resumen completo di e votonan emiti pa pais y specificacion di voto pa partido, tuma nota di e procesverbaalnan adhunto. Ta publica nan tambe riba e website di Representacion di Hulanda: www.vnacs.nl
