Start Consulta di Internet pa Areglo di Supsidio pa Iniciativanan Social pa Historia di Sclavitud pa Parti Caribense di Reino
Dia 1 di maart e consulta di internèt pa areglo di subsidio pa iniciativanan social di historia di sclavitud Transatlantico pa parti Caribense di Reino a inicia. Residente di Aruba, Boneiro, Corsou, Saba, Sint Eustatius y Sint Maarten por duna nan opinion tokante e proposicion di areglo pa iniciativanan social. E consulta di internet ta duna tur hende e oportunidad pa contribui cu nan pensamento tocante e areglo aki. E proposicion aki ya a ser discuti cu varios representantenan di tur e islanan.
Areglo di Subsidio pa Iniciativanan Social di Historia di Sclavitud
Dia 19 di december 2022, e Minister-Presidente a pidi disculpa na nòmber di e gobierno Hulandes. Ademas di e disculpa, a priminti di pone €100 mion disponibel pa un areglo pa iniciativanan sosial. Parti Karibeño di Reino lo ricibí 33 mion di esaki y un areglo di subsidio su mes. E areglo ta enfocá riba comunidadnan di descendientenan di esclavonan y organisacionnan ‘grassroots’, kaminda por hasi aplikashon pa profesionalisacion adicional, iniciativanan pa reforsa comunidad y iniciativanan cu impakto substansial. Residentenan di Aruba, Boneiro, Corsou, Sint Maarten, Saba y Sint Eustatius, por expresa nan opinion tocante e proposicion di areglo na nan propio idioma pa un Consulta di Internet. Nan por, por ehèmpel, hasi sugerencia pa mehora e factibilidad di e proposicion, caminda ta tuma cuenta suficiente di e contexto Caribense. E Consulta di Internet lo cuminsa riba 1 di maart 2024 pa un duracion di 30 dia y por haya aki: www.internetconsultatie.nl/slavernijverledencaribisch. Participacion ta posibel te cu 31 di maart, 17:59.
Ora e Consulta di Internet ta completo, lo procesa e contribucionnan bon y no bon y compila esakinan den un raport. Secretario di Estado di Ministerio di Asuntonan Interno & Relacionnan den Reino lo firma e areglo di subsidio pa despues publica esaki den "Staatscourant" i "Staatsbladen" di Aruba, Corsou y Sint Maarten. Pa 1 di juli 2024 e areglo di subsidio pa parti Caribense di Reino lo habri y ta destiná pa iniciativanan sosial enfocá riba conocemento, concientisacion, reconocimento y conmemoracion y un mihor comprendimento di e impacto di historia di sclavitud y su procesamento.
Consulta di Mercado
Pa 1 di maart tambe lo cuminsa un consulta di mercado pa sa averigua con e mercado ta mustra riba tereno di evaluacion di subsidio den parti Caribense di Reino. Ministerio di Asuntonan Interno & Relacionnan den Reino ta buscando un partido cu tin conocemento di Caribe y tin custumber di traha riba e islanan. Ademas, lo considera e capacidad di e organisacion, conocemento finansiero y experticio pa ehecuta e asignacion importante y amplio aki. E asignashon tin un tempu di ehèkutashon di te ku 5 aña. Tanto partido privá como fundacionnan cu tin un sucursal riba por lo menos un di e (isla)nan por aplica. Bo por haci bo organisacion prome cu 10 di maart 2024 dor di manda un e-mail na aanbesteding@rijksdienstcn.com. Tambe por pidi mas informashon via e mesun mailadres aki.
Representantenan di e islanan
Actualmente tin combersacionnan cu representantenan di e 6 islanan den parti Caribense di Reino. Pa cada isla e gobiernonan y Colegio Ehecutivo a nombra dos representante di 'plataformanan local of comité' cu, hunto cu un representante oficial y e team di Historia di Sclavitud di Direktorado-General pa Relashonnan den Reino, lo forma e interpretacion adicional di 'despues di e komma'. Nan ta contribui tambe na representacion Caribense riba e Comision di Conmemoracion cu lo ser estableci, cu lo ricibi €8 miyon un strukturalmente pa aña pa conmemora e historia di sclavitud den henter Reino.